Xornada Programas de financiamento europeos no eido das TIC (Convocatorias 2011 FP7-ICT, ICT-PSP e AAL)

Este evento ten como obxectivo informar ás entidades galegas sobre as oportunidades de financiamento a nivel europeo para proxectos de I+D+i no eido das TIC.

A xornada contará con Rebeca Frías e Javier Echávarri, do CDTI, que presentarán os retos tecnolóxicos e socio-económicos das convocatorias do tema TIC do FP7. A continuación, Julián Seseña, NCP de ICT PSP, exporá as condicións de participación da convocatoria 2011 deste programa.

Asimesmo, na 2ª parte da xornada Juan Riese, do ISCIII, presentará a 4ª convocatoria de AAL, mentres que Ana Paul Tomillo, do CTAG, compartirá cos asistentes experiencias reais de proxectos dos programas FP7 e ICT-PSP.

Tamén contarase con Ricardo Capilla, Director Xeral de I+D+i, e Mar Pereira, Secretaria Xeral de Modernización, na inauguración e clausura.

Ademais, ofrecerase a posibilidade de concertar entrevistas para revisión de propostas. Os interesados terán que enviar un resumo da mesma no modelo achegado antes do 29 de abril.